Edi Rama kryeson bindshëm si kandidati me më shumë gjasa për të qenë Kryeministri i Shqipërisë, sipas platformës ndërkombëtare të tregjeve të parashikimit “Polymarket”.
Në këtë platformë që funksionon mbi teknologjinë “blockchain” dhe grumbullon pjesëmarrës nga e gjithë bota, Rama vlerësohet me 97% mundësi për të fituar garën per kryeministër.
Ndryshe nga sondazhet ku njerëzit shprehin mendim në “Polymarket” njerëzit vendosin para të vërteta për atë që besojnë se do të ndodhë. Sipas të dhënave, Edi Rama jo vetëm që mban pozicionin e parë me një diferencë të thellë, por është edhe kandidati për të cilin është investuar më shumë para – mbi 78 mijë dollarë deri më tani. Pas tij renditet Sali Berisha, me vetëm 2% të gjasave dhe nje investim prej rreth 32 mijë dollarësh.
Të gjithë kandidatët e tjerë renditen më pak se 1% shanse, përfshirë Arlind Qorin, Ilir Metën, Dashamir Shehin, Agron Shehajn, Lulzim Bashën, Tom Doshin dhe Adriatik Lapajn, për të cilin janë investuar më pak para.
