Sali Berisha doli të shtunën në bulevard për të dëshmuar forcën politike kundër qeverisë, ndërsa sheshi ishte i zbrazët dhe kjo panoramë tregoi braktisjen e madhe që i kanë rezervuar qytetarët si dhe vetë militantët e tij.
Avokati Romeo Kara, i ftuar në “ABC News” u shpreh se Berisha nuk jep asnjë shpresë për qytetarët.
Sipas avokatit, Sali Berisha gënjen veten dhe shqiptarët duke e krahasuar veten me presidentin e SHBA, Donald Trump.
“Berisha organizoi një protestë pothuajse nga hiçi, në distancë nga të gjitha ngjarjet që mund të nxisin reagim qytetar. Ka dashur të tregojë forcë. Ai ka treguar shterpësi. Nuk jep shpresë. Është një Berishë që është larguar dy herë me skandale, si presidenti dhe si kryeministër. Berisha është një kopje kineze e Trumpit. Ai mbaroi si Berishë dhe tani po na paraqitet si Trumpi i Shqipërisë”, tha Romeo Kara.
