Ilir Meta ka shprehur gatishmërinë e tij për të marrë çdo “posti” në qeverinë e re, gjithmonë nëse opozita e bashkuar fiton zgjedhjet dhe me Sali Berishën të shpallur non-grata. Meta thotë se misioni i tij është instalimi i referendumeve, por nuk përjashton marrjen e posteve të larta.
“Për Ilir Metën ka një mision instalimi i referendumeve në Shqipëri siç e ka vendosur vetë populli shqiptar në kushtetutë dhe rivendosja e llogaridhënies në këtë vend. Se ku do jetë Ilir Meta në të ardhmen, e kam thënë që në 3 dekadat e ardhme do jem aktiv në politikë dhe nuk përjashtoj asnjë lloj pozicioni përveç atij të presidentit për mandatin e dytë se nuk mund të ndodhë në 20 vitet e ardhshme. Këto janë çështje që i vendos demokracia, i vendos vota”, tha Meta.
Në krahun tjetër, kryeministri Edi Rama është shprehur i bindur se Shqiptarët do ta votojnë masivisht dhe Partia Socialiste do të qëndojë në pushtet deri në vitin 2029.