Për herë të parë në Shqipëri, do të implementohet platforma “eTransport” për biletimin elektronik në rrjetin e linjave ndërqytetëse dhe të udhëtarëve.
Ky investim strategjik synon implementimin e biletimit elektronik brenda vitit 2023 dhe digjitalizimin e këtij shërbimi, instalimin e pajisjeve për transaksionet në mjete dhe terminale, si edhe ofrimin në kohë reale të aksesit të udhëtarëve, përmes aplikacioneve mobile e online. Platforma “eTransport” do të jetë e mundësueshme online ku do të tregoj të gjitha terminalet, linjat e autobusave në dispozicion, oraret në të gjitha vendet e Shqipërisë.
“Platforma elektronike “eTransport”, e ardhmja digjitale e transportit rrugor ndërqytetës për udhëtarët vendas. Përmes një aplikacioni risi të cilin mund ta shkarkoni në telefon ose tablet do të gjeni informacione online, prenotim dhe biletari elektronike, promovim dhe sugjerime për të udhëtuar kudo në Shqipëri”, shkruan Rama.
