I pyetur nëse Chris LaCivita do të marrë pjesë në mbylljen e fushatës së Partisë Demokratike, Sali Berisha e konfirmon se drejtuesi i fushatës do të jetë pjesë.
Më tej, Berishaka folur mbi ‘non gratën’ e tij, ndaj së cilës përmend shpalljen ‘non grata’ të Antony Blinken.
“Gjëja më të madhe se shpalljen ‘non grata’ të Antony Blinken, Sali Berisha dhe mbështetësit e tij, nuk mund të prisnim. Ai sot nuk hyn dot në asnjë ndërtesë federative të vendit të tij. Ai përfundoi njeriu më i padenjë në historinë shtetërore të SHBA-ve. A nuk është kjo një ngushëllim për Sali Berishën? Edhe Rama nga ana tjetër kudo që shkon, shkon me strajcën e McGonigalit. Ai nuk i mbyll dot çështjet me të. Shqiptarët e dinë se ky është i vetmi kryeministër i faktuar nga Gjykata amerikane se ka dhënë 225 mijë euro shefit të kundërzbulimit të FBI-së për të luftuar opozitën. Ka korruptuar dhe është korruptor”, tha Berisha.
