Ministri për Evropën dhe Punët e Jashtme të Shqipërisë, Igli Hasani, në një dalje për mediat, bëri bilancet e diplomacisë për vitin 2023, ndërsa renditi objektivat kryesorë për vitin e ardhshëm.
Ai u pyet për marrëveshjen e detit me Greqinë, dhe për këtë kryediplomati Hasani tha se është në kontakt me kreun e shtetit, Bajram Begaj për këtë çështje dhe pret vendimin e tij për t’i dhënë plotfuqishmërinë ekipit negociator.
“Unë jam në kontakt me presidentin e Republikës. Pres nga ai që ka nevojë për më shumë informacion. I kam shprehur presidenti gatishmërinë, jo vetëm personale, por edhe të stafit të MEPJ, që ne ta ushqejmë për më shumë informacion në lidhje me vendimin që ai duhet të marrë për të na fuqizuar për dhënien e mandati për të filluar qartë procesin”, tha ai.
