Çokollata e famshme “Dubai”, e cila shkaktoi radhë të gjata muajin e kaluar, është tashmë në qendër të një polemike. Sipas testeve të kryera në Gjermani, ky produkt mund të jetë i dëmshëm për shëndetin.
E shpikur në Emiratet e Bashkuara Arabe, çokollata e Dubait është e famshme për mbushjen e saj me pistakio. Analizat e kryera nga laboratori kimik dhe veterinar në Shtutgart, Baden-Württemberg, zbuluan rezultate shqetësuese. E importuar nga vende të ndryshme, ky produkt mund të mos përmbajë gjithmonë atë që reklamohet në paketim.
Laboratori denoncoi në raportin e tij një “rast të hapur mashtrimi ndaj konsumatorëve”. Në pesë mostra nga Emiratet, analizat zbuluan praninë e yndyrave të huaja në vend të çokollatës së vërtetë. Sa i përket tre mostrave nga Türqia, ato përmbanin susam të padeklaruar, një problem serioz për ata që vuajnë nga alergjitë. Për më tepër, pothuajse të gjitha mostrat që përdornin ngjyra artificiale u duk se përpiqeshin të maskonin cilësinë e dobët të përbërësve.
Në një kontroll të rastësishëm, një mbushje me pistakio u zbulua se kishte nivele të larta të mykut toksik, duke përfshirë aflatoksinat, të cilat dihet se shkaktojnë dëme serioze të mëlçisë.
