Dashnor Sula iu përgjigj Sali Berishës pasi deputeti demokrat u la jashtë listave të PD për shkak se është “pro” SPAK-ist.
Sula deklaroi se Altin Dumani nuk është i korruptuar, madje shtoi se, kreu i SPAK-ut edhe nënën e tij e fut në burg nëse ajo shkel ligjin.
“Jam i nderuar që më kanë vënë emrin SPAK-ist. Në krye të SPAK është një person si Altin Dumani apo ka drejtues si Adnan Xholi, Behar Dibra, apo Ols Dado me të cilët kam punuar dhe i njoh. Altin Dumani edhe nënën e vet që i ka bërë kokën nëse ka shkelur ligjin e fut në burg. Këtë ta them unë që e kam njohur Altin Dumanin. E njoh mjaft mirë dhe ju garantoj është njeri i pakorruptueshëm. Pikë. I kam thënë dhe në mbledhje të strukturave të PD-së dhe Berishës në sy. Goditja e Dumanit ishte për deligjitim të institucionit. Dumani ska lidhje, zero me historinë e Sali Berishës. Ka zero ndikim të një proces penal” tha Dash Sula për Report TV.
