Deputetja e Partisë së Lirisë, Monika Kryemadhi ka folut për divorcin e saj me Ilir Metën. Pasi tha që nuk do të marrë pjesë në seancën e radhës, ajo u pyet nga Blendi Fevziu për detajet e ndarjes së pasurisë.
Kryemadhi u shpreh se mes tyre nuk ka asgjë për të ndarë përveç kujtimeve. Sipas saj, pasuria më e madhe e Metës janë emri dhe familja e tij.
》Blendi Fevziu: Do të ndaheni me mirëkuptim? Ka gjë për të ndarë mes jush?
》Monika Kryemadhi: Nuk ka asgjë për të ndarë mes nesh. E vetmja gjë që muns të ndajmë mes nesh janë kujtimet.
》Blendi Fevziu: Vetëm kujtimet?
》Monika Kryemadhi: Nuk ka asgjë për të ndarë.
》Blendi Fevziu: Asgjë materiale?
》Monika Kryemadhi: Asgjë materiale. Pavarësisht gjuhës së urrejtjes që është përdorur ndaj Ilir Metës dhe familjes së tij, sigurisht në rrjete sociale në mënyrë sistematike, qoftë nga Partia Socialiste apo qoftë Partia Demokratike njëherë e një kohë, sigurisht që ka krijuar mentaltiete të ndryshme rreth Ilir Metës. Di të them që pasurinë më të madhe që Ilir Meta ka pasur dhe ka, ka qenë emri i tij dhe familja e tij.
