Ish-deputeti demokrat, Luçiano Boçi i cili njihet si mbështetës i “grupit Berisha” ka paralajmëruar protesta ditët në vijim për të mbajtur “gjallë” shpresën e militantëve demokratë.
Pas humbjes katrastrofë në zgjedhjet lokale, Sali Berisha po mundohet të justifikohet tek demokratët duke vijuar “zakonin e vjetër” me pretendimin se Edi Rama i paska vjedhur votat.
“Protesta ka qenë pjesë e axhendës sonë politike, pakënaqësia është e madhe, ndjeshmëria për protestën është një temperaturë që duhet matur në publik. Protestat rrisin besimin, shfaqin alternativat dhe nxisin shoqërinë të reagojë ndaj sistemit. Largim, qeveri teknike, reformim i sistemit zgjedhor që të ketë garim në kushte të barabarta. Qeveria teknike është një qeveri apolitike, që do mbajë qëndrime të baraslarguara nga interesi i forcave politike dhe se objektivin kryesor do të ketë realizimin e zgjedhjeve”, tha Boçi.
