“Diella”, ministrja e parë virtuale e Inteligjencës Artificiale e cila do të jetë pjesë e kabinetit qeveritar “Rama 4”, është kryefjala e mediave vendase dhe ndërkombëtare, kritikave të opozitës por edhe opinionit publik shqiptar.
Por pak kush e di që pas identitetit të saj fshihet një grua e vërtetë. Bëhet fjalë për aktoren Anila Bisha të cilësi jo vetëm i është huazuar zëri i saj për “Diellën” por edhe e ka mishëruar figurën e saj për të krijuar lidhje emocionale dhe besueshmëri tek publiku.
Gjithashtu Anila Bisha ka reaguar për imazhin e Diellës, ministres virtuale që nga ekrani ka një ngjashmëri të madhe me aktoren.
“Imazhi i e-Albania jam unë. Edhe zëri. Me dakordësi, imazhi është përdorur për t’u bërë avatar dhe mbaron në dhjetor të vitit 2025”- shprehet aktorja.
Ndërkaq opozita ka kritikuar dekretimin e “Diellës” nga Presidenti i Republikës, pasi sipas tyre, një ministër virtual ngre pikëpyetje ligjore dhe kushtetuese.
