Kryetarja e Parlamentit, Lindita Nikolla ka reaguar për sulmet e Hamasit ndaj Izraelit.
Në emrin e Kuvendit të Shqipërisë, Nikolla dënon këtë sulm dhe shpreh solidaritet me viktimat dhe familjet e tyre. Gjithashtu Nikolla shpreh gatishmërinë për të qëndruar në krah të SHBA dhe BE-së në luftën ndaj terrorizmit.
“Kuvendi i Shqipërisë dënon ashpërsisht sulmin terrorist të Hamas kundër Izraelit dhe është në krah të popullit izraelit në këto momente të vështira. Lutjet, mendimet dhe mbështetja jonë shkon për viktimat e pafajshme dhe familjet e tyre në Izrael. Shqipëria do të vijojë të jetë në krah të partnerëve strategjikë, ShBA dhe BE, në luftën kundër terrorizmit, për mbrojtjen e sigurisë dhe të paqes”, shkruan Nikolla.
