Edi Rama, Kryeministri i Shqipërisë ka reaguar ditën e sotme në lidhje me ngjarjet në rripin e Gazës.
Rama ka mbështetur Izraelin dhe ka dënuar sulmin e Palestinës, duke i quajtur agresorët terrorist. Nga ana tjetër Rama shpreh ngushëllimet për familjet e viktimave dhe përcjellë solidaritetin e tij me ngjarjen.
“Dënoj fuqishëm sulmin terrorist të Hamasit kundër Izraelit. Ne qëndrojmë të vendosur kundër terrorizmit. Mendimet tona janë me viktimat, familjet e tyre dhe gjithë Izraelin“, shkruan Rama.
Militantët e Gazës kanë sulmuar me raketa Izraelin mëngjesin e së shtunës. Forcat e Mbrojtjes të Izraelit thanë se kanë shpallur gjendje gatishmërie për luftë në përgjigje të sulmit të befasishëm nga Gaza. Ushtria izraelite ka nisur të kryejë sulme hakmarrëse ajrore në Rripin e Gazës dhe ka paralajmëruar se Hamasi do të paguajë një çmim shumë të rëndë.
