Aeroporti Ndërkombëtar i Tiranës ka thyer një rekord të ri në trafikun e pasagjerëve, duke mirëpritur 1,191,182 pasagjerë në korrik 2024. Ky muaj pasqyron një rritje të konsiderueshme të turizmit dhe thekson rëndësinë e Shqipërisë si një qendër lidhëse rajonale.
Nga pasagjerët e muajit korrik, 840,358 ishin shtetas të huaj, ndërsa 350,824 ishin shtetas shqiptarë. Ky fluks i turistëve të huaj e pozicionon aeroportin si një portë hyrëse për në Shqipëri.
Duke parë 7 muajt e parë të vitit 2024, aeroporti ne total ka mirëpritur gjithsej 5,982,066 pasagjerë. Kjo shifër përfshin 3,547,987 udhëtarë të huaj dhe 2,434,078 shqiptarë. Të dhënat janar-korrik 2024 tregojnë një shpërndarje pasagjerësh ku 60% janë shtetas të huaj dhe 40% shtetas shqiptarë.
Krahas rritjes së numrit të pasagjerëve, Aeroporti i Rinasitarriti një moment historik të ri operacional në korrik, duke procesuar 126 fluturime në mbërritje dhe 126 nisje brenda një dite, gjithsej 252 fluturime – numri më i lartë i regjistruar deri më sot.
