“Report TV” në bashkëpunim me institutin italian “Piepoli” sjellin sondazhin e fundit për zgjedhjet parlamentare dhe projeksionet si do të ndahen mandatet në rang kombëtar.
Shqiptarët do t’i besonin Edi Ramës një mandat të katërt qeverisës. Nga 74 mandate të siguruara në 2021, sipas projeksionit italian, PS do merrte në këto zgjedhje 75 mandate në rang kombëtar, përkthyer në vota 48.4%.
Ndërkohë, Koalicioni i PD shënon një rënie drastike, duke humbur 9 mandate në rang kombëtar. Koalicioni i Berishës merr 54 mandate nga 63 mandate në 2021. Në vota, koalicioni i udhëhequr nga Berisha merr 35.4% të votave, nga 46.3% të votave në 2021, një rënie 10.9%.
Për herë të parë, dy parti të reja arrijnë të futen në Kuvend. Adriatik Lapaj me Nisma Shqipëria Bëhet konfirmohet forcë e tretë politike dhe merr 7 mandate në rang kombëtar, me 7.6% të votave. Lapaj, ndiqet nga Partia Mundësia me 4.8% të votave, i cili merr 3 mandate në gjithë vendin. Ja rezultatet e sondazhit italian:
