Kryeministri shqiptar, Edi Rama është shprehur se qeveria e Kievit do të qëndronte në këmbë, pasi ai i njihte ukrainasit.
“Përpara se të fillonte luftën kundër Ukrainës, Putini ishte përpjekur të ndryshonte regjimin në Kiev, i cili dështoi për shkak të rezistencës dhe mos korruptueshmërisë së Ukrainës”, kështu është shprehur kryeministri Edi Rama, në një intervistë për gazetën italiane në internet “The Post Internazionale”.
“Kam folur, në prag të pushtimit, me një nga qeveritarët e një vendi kufitar të Ukrainës, emrin e të cilit padyshim nuk mund ta përmend. Dhe ky person më kishte thënë fjalë për fjalë, bazuar në burime të drejtpërdrejta: ‘A e dini se Putini ka investuar 25 miliardë euro për të përgatitur terrenin për ndryshimin e regjimit?’ Paratë e shpenzuara për të vajosur makinën e konsensusit, partitë, oligarkët. Një operacion i inteligjencës ekonomike. Edhe sot mendoj për saktësinë e atij besimi”, shton Rama.
