Bashkia Himarë u ka bërë thirrje banorëve të zonave të prekura nga zjarri që të largohen menjëherë nga zonat e rrezikuara. Apeli vjen ndërsa situata nga zjarri vijon të paraqesë rrezik për banorët dhe banesat.
Në një njoftim të publikuar në Facebook, Bashkia Himarë u kërkon qytetarëve që të zbatojnë kërkesën për evakuim, me qëllim garantimin e sigurisë së tyre dhe të familjeve.
Bashkia u bën thirrje banorëve që të mos qëndrojnë në zonat ku ka rrezik nga flakët dhe të ndjekin udhëzimet e strukturave të emergjencave.
“🚨 THIRRJE PËR EVAKUIM – HIMARË. Bashkia Himarë u bën thirrje banorëve të zonave të prekura nga zjarri që të zbatojnë menjëherë kërkesën për evakuim, për garantimin e sigurisë së tyre dhe të familjeve.🙏 Ju lutemi, bindjuni udhëzimeve të autoriteteve dhe largohuni nga zonat e rrezikuara. Siguria e qytetarëve është prioriteti i parë”, njofton bashkia Himare.
Thirrja për evakuim vjen në një situatë kur zjarret në zonën e Himarës janë përhapur në terren dhe ndërhyrja po vijon për mbrojtjen e zonave të banuara.
