Ermir Beta, avokati i kryebashkiakut Erion Veliaj ka dërguar me postë ankimimin drejtuar Gjykatës së Apelit të GJKKO ku kundërshtohet masa e “arrestit me burg” ndaj kryebashkiakut socialist.
“Apelojmë vendimin e parë, atë të datës 9 shkurt”, ka konfirmuar avokati për Top Channel.
Gjithashtu avokati i Veliajt u shpreh se po bën gati dhe apelimin e dytë për vendimin e datës 12 shkurt ku gjyqtari antikorrupsion Erjon Bani la në fuqi gjatë verifikimit të kushteve masat qe kishte shpallur në mungesë.
Erion Veliaj u arrestua në zyrën e Bashkisë së Tiranës më 10 shkurt, kurse bashkëshortja e tij, Ajola Xoxa është lënë në masë sigurimi “detyrim paraqitje”./ Rilindje.info
