Analisti Erl Murati është shprehur se militantët e PD që erdhën këtë të shtunë në Tiranë për protestë janë tradhtuar nga Sali Berisha, i cili kishte 2 javë që fliste për revolucion, por i katandisi ata në një xhiro “boshe” në Tiranë.
“Njerëzit u thirrën për revolucion dhe pamë që kjo protestë që Berisha e shfryu këtë cunam popullor duke e katandisur në një xhiro të zakonshme që PD bënte kur drejtohej nga Basha. Të paktën nuk pamë që Berisha të drejtonte një revolucion. Berisha e tradhtoi protestën dhe pritshmëritë e simpatizantëve.
Njerëzit që kanë ardhur nga rrethet dhe kanë dalë aty për të manifestuar, kanë kosto për këtë që ka ndodhur. Paguajnë nga koha e tyre për të ardhur në Tiranë. Berisha nuk e mbajti premtimin për një qëndresë qytetare deri në largimin e Ramës. Këtu ne vetëm qëndresë qytetare dhe mosbindje civile nuk pamë”, tha Murati.
