Evi Kokalari deklaroi se ishte e pritshme që përzgjedhja e kandidatëve të PD përmes primareve të haste në vështirësi si një proces i zhvilluar për herë të parë.
Sipas saj, zbulimi i manipulimeve të Belind Këlliçit në Këshillin Kombëtar ishte një gjë për të cilën demokratët u ndërgjegjësuan dhe nuk ishin dakord që kjo të vazhdonte të ndodhte.
“Nuk e prisja që Primaret të ishin vaj që në fillim dhe do të ketë probleme. Zbulimi i manipulimit të Belind Këlliçit të këshillit kombëtar ishte një gjë që demokratët u ndërgjegjësuan me atë çfarë po ndodhte dhe sigurisht që nuk janë OK që kjo të ndodhë. Shumë demokratë i duan primaret se edhe PD dhe PS kanë ekzistuar sipas frymës së kryetarit. Ndaj është një gjë shumë e madhe dhe e mirë”, tha Kokalari për Euronews Albania.
