Edi Paloka, kryetari i Këshillit Kombëtar të Partisë Demokratike të drejtuar nga Sali Berisha, thotë se baza e demokratëve të Tiranës e ka propozuar për të garuar në primaret për Bashkinë e Tiranës.
Teksa falenderon demokratët, Paloka ka zbuluar vendimin e tij në prag të primareve të PD-së në kryeqytet.
“Falenderoj te gjithe ata demokrate qe me kane propozuar si kandidat per Tiranen. Une vete nuk do te marre pjese ne primare por ju siguroj qe do te jem ne krah te kandidatit qe do te dale fitues njesoj sikur te isha vete”, shkruan Edi Paloka. Në krahun tjetër, kryeministri Edi Rama ka zbuluar se Erion Veliaj do të jetë kandidati i Partisë Socialiste që synon të fitojë mandatin e tretë për të cuar përpara projektet për Tiranën Europiane.
