Ish-ministri i PS-së Arben Malaj ka komentuar takimin plot tensione që zhvilloi kryeministri Edi Rama me kryebashkiakët socialistë në Kuç të Vlorës.
Në takim nuk munguan përplasjet me kryebashkiakët që bashkitë e tyre shkrihen me draftin e PS-së për Reformën Territoriale.
Malaj shkruan se takimi i Ramës me kryebashkiakët ka pasur qëllimin që të mbyste dhe ndalte çdo kundërshtim kundër draftit të propozuar dhe se vetëm ai vendos në këtë vend.
Më tej ish-ministri thekson në postimin e tij se ky model “mbretërie kryeministrore” do të vrasë akoma më shumë demokracinë dhe do të nxisë braktisjen e vendit.
Postimi i plotë i Malajt:
“Ishte imponim jo konsultim. Asnjë hapësirë për rishikim të variantit personal me 46 bashki.
Takimi i Ranës kishte vetëm një qëllim:
të mbyste çdo kundërshtim,
të ndalte apo zbehte çdo revoltë dhe të rrënjoste modelin se “këtu vendos unë dhe vetëm unë”.
Ky model qeverisjeje i një “mbretërie kryeministrore” do të vrasë akoma më shumë demokracinë, do të kriminalizojë politikën dhe ekonominë dhe do të nxisë zbrazjen e vendit.
Mosreagimi këmbëngulës i banorëve dhe heshtja miratuese e disa kryetarëve e deputetëve është një provë e vërtetë e modelit “Shteti jam unë””, shkruan Malaj.
