Forumi Rinor i Partisë Socialiste mbajti sot Kuvendin Kombëtar për zgjedhjet e 11 Majit.
Një nga të rinjtë e FRESH, mori vëmendjen për shkak të deklaratave epike dhe plot krenari ndaj Partisë Socialiste.
Ai tha se rinia është petalja më e bukur e trëndafilit socialist, pasi sipas tij, PS është forca politike që po ndërton Shqipërinë.
“Të dashur shokë dhe shoqe të Partisë Socialiste, ne jemi petalet më të bukura të trëndafilit socialist që nuk venitet kurrë. Por unë nuk ika, por qëndrova sepse Shqipëria sot nuk është një vend i cili duhet të ikësh. Ne po e ndërtojmë Shqipërinë dhe po e mbushim me dije dhe vizion. Dhe kush punon? Ne punojmë! Dhe kush lufton? Ne luftojmë…”, tha i riu socialist.
