Zyrtarë të Partisë Demokratike kanë marrë pjesë ditën e sotme në ceremoninë e organizuar në Vlorë për Ditën e Pavarësisë.
Të pranishëm kanë qenë kryetari i Grupit Parlamentar të PD-së, Gazment Bardhi, sekretari i përgjithshëm i PD, Flamur Noka, deputetët Edi Paloka, Oerd Bylykbashi, por bie në sy mungesa e Sali Berishës tashmë i lirë.
Flamur Noka beson se përvjetori i vitit të ardhshëm do e gjente Shqipërinë pa krim, korrupsion dhe drejtësi të kapur.
“Gëzuar këtë ditë të bëkuar për të gjithë shqiptarët. Në vitin 1443 Skënderbeu e vendosi këtë flamur të bekuar në Krujë. Në 1912 plaku i Vlorës, Ismail Qemali, e ngriti këtë flamur në Vlorë. Hera e tretë është në vitin 1944, kur ky flamur u ngrit për të simbolizuar largimin e pushtuesve gjermanë. Uroj që përvjetori tjetër të na gjejë pa drogë, pa krim, pa korrupsion dhe pa drejtësi të kapur. Lirimi i Berishës erdhi pas fitores së Trump në SHBA, që preu metastazat e Sorosit edhe në Shqipëri”, tha Noka.
