Forca të shumta të Policisë së Shtetit si dhe Ndërhyrjes së Shpejtë kanë rrethuar perimetrin e Kuvendit të Shqipërisë.
Kanë qenë deputetët demokratë si dhe protestuesit e zhvendosur nga protesta në Bashkinë e Tiranës në ambientet e Parlamentit ata të cilët janë konfliktuar fizikisht me forcat e Policisë.
Tre deputetët demokratë, Flamur Noka, Dashnor Sula dhe Bledjon Nallbati kanë goditur me grushta efektivët e Forcave të Ndërhyrjes së Shpejtë.
Ndërkohë, nga ana tjetër kreu i Grupit Parlamentar të Partisë Demokratike, Gazment Bardhi, në një deklaratë të shkurtër për mediat pretendon se efektivët e Forcave Sepciale janë futur të armatosur në ambientet e Kuvendit si dhe kanë rrethuar deputetët demokratë, duke i dhunuar fizikisht këta të fundit.
