Flamur Noka është shprehur se nëse do të vendoset “qeveri teknike” dhe do të mbahen zgjedhje të lira, PD e Sali Berishës do të fitojë mbi 60% të votave.
Noka i revoltuar i nxori edhe gishtin e mesit publikisht kryeministrit Edi Rama.
“Sali Berishës i bënë vettingun 34 vjeçar të jetës së tij politike dhe nuk arritën t’i gjenin një gjë. Kërkojmë qeveri teknike për të zhvilluar zgjedhje të lira e të ndershme. Nëse bëhen zgjedhje të lira e të ndershme, PD fiton 60 % të votave. PD ka lokomotivën dhe gjithë vagonat e saj që punojnë me djersën dhe mundin e demokratëve. PS ose rilindja nuk është pasqyrë e vullnetit të shqiptarëve, ndërsa PD është e gjitha pasqyrë e vullnetit të kristalë të demokratëve që e duan ndryshim“, tha Noka.
Një deklaratë sa qesharake aq edhe e pavërtetë pasi duke iu referuar të gjitha sondazheve, PD e Berishës në zgjedhjet e ardhshme pëson një disfatë të thelle kurse Edi Rama hipotekon mandatin e katërt qeverisës.
