Franca do të japë 60 milionë euro kredi për investimin e ujësjellësit të Durrësit. Marrëveshja mes qeverisë shqiptare dhe Agjencisë Franceze të Zhvillimit, u firmos ditën e sotme.
I pranishëm në firmosjen e kësaj marrëveshjeje, kryeministri Edi Rama u shpreh se ky investim do arrijë të mundësojë transformimin e qytetit bregdetar.
“Dua të shpreh kënaqësinë për këtë marrëveshje të rëndësishme e paraprirë qysh në krye të herës por e realizuar tani. Për të ndërhyrë me një investim masiv në Durrës që mundëson një transformim të ujësjellësit të Durrësit. Kujtojmë se kur tragjedia e 26 nëntorit ndodhi, Presidenti i Macron ishte i pari që u interesua, ishte nga ata kolegë evropianë në ato ditë të vështira pyeste për ecurinë e kërkim shpëtimeve”, u shpreh Rama.
