Fredi Beleri i ka drejtuar një letër publike kryebashkiakut të ri të Himarës, Vangjel Tavos.
Beleri i kërkon kryebashkiakut socialist ndërtimin e një shkolle të mesme minoritare në qytetin e Himarës, që fëmijët mos të largohen nga Shqiperia.
“Kemi nevojë për ngritjen e një shkolle të mesme minoritare, diçka që e kërkojmë prej tre dekadash, që fëmijët tanë të mos shkulen nga rrënjët e tyre, ngritjen e një shkolle teknike turizmi në Himarë dhe investime të qëndrueshme e me intensitet të ulët, të cilat do të bashkëjetojnë dhe do të plotësojnë njëra-tjetrën me bizneset e vogla familjare vendase. Dhe, gati tridhjetë e pesë vjet pas rënies së komunizmit në Shqipëri, përfundimisht, ne kërkojmë kthimin e titujve të pronësisë pronarëve të ligjshëm”, shkruan Beleri.
