Kreu i Grupit Parlamentar të PS, Taulant Balla ka uruar sot 31-vjetorin e themelimit të FRESSH nga Apollonia. Gjatë fjalës së tij, Balla ftoi të rinjtë dhe të rejat të qarkut të Fierit, që të anëtarësohen në PS, sepse është gjithnjë fituese.
“Edhe pse FRESSH bën 31 vjeç, i ri mbetet gjithmonë. Ata kanë qenë dhe mbeten, forcave dhe fuqia e vërtetë e FRESH-it të Partisë Socialiste. Detyra jonë është ta mbajmë Fierin kryeqytetin e Partisë Socialiste. Kush zgjedh të japë kontributin e vetë për Shqipërinë duhet të zgjedhë PS.
Të zgjidhni PS sepse është e vetmja forcë politike, që gjatë gjithë këtyre viteve, nuk ka çeduar integritetin shqiptar. Prandaj, ne menduam që në këtë përvjetor, të mblidheshim të gjithë në një prej smeraldeve të historisë shqiptare, në qytetin e vjetër antik të Apollonisë. Ftojmë çdo të ri e të re, të bëhet pjesë e PS-së” tha Balla.
