Inxhinierja Luljeta Bozo thotë se “Rindërtimi” u ka dhënë mundësinë shumë fshatarëve që të jetojnë në vila që nuk i kishin ëndërruar kurrë më parë.
“Në Shqipëri gjatë këtyre 3 vjetëve janë strehuar mijëra familje. Ka ende familje të pa stabilizuara por 85% e familjeve janë futur në shtëpi të reja që nuk i kishin imagjinuar asnjëherë. Në apartamente dhe vila fantastike. Po të shkosh në Baldushk në shtëpitë e rrënuara që kishin fshatarët, sot kanë hyrë në ca vila që nuk i kanë ëndërruar kurrë në jetën e tyre. Janë shtëpi dhuratë se nuk paguan asnjë lekë. U bë një punë e jashtëzakonshme”, tha Bozo.
Deputetja nuk e kurseu dhe një falenderim për kryeministrin Edi Rama, kur tha se ai shkoi të ‘lypte’ fonde dhe që njerëzit nuk duhet ta harrojnë këtë gjë.
“Njerëzit duhet të jenë të qartë, që nga puna e jashtëzakonshme e Ramës që shkoi në dyert e botës, lypi dhe siguroi fonde. Shumë fonde siguroi”, tha Bozo.
