Kreu i SPAK-ut, Altin Dumani ka bërë me dije se organi i akuzës që ai drejton ka nisur një sërë çështjet penale duke marrë indicie nga vendimet e “Vetingut” për shkarkimin e prokurorëve dhe gjyqtarëve në vend.
Kreu i SPAK sqaroi se vendimet e organeve të vetingut kanë shërbyer si indicie, që më pas prokurorët të thellojnë hetimet dhe të regjistrojnë çështjet penale për korrupsion pasiv ndaj prokurorëve dhe gjyqtarëve të shkarkuar.
“Do ndalem te ndjekja penale për subjektet që i janë nënshtruar vetingut. SPAK ka pasur edhe raste kur ka aplikuar ligjin antimafia për subjektet të kësaj natyre dhe ka konfiskuar pasuri që u përkasin subjekteve të shkarkuar nga vetingu. Ne nuk kemi qenë të shurdhët dhe të verbër nga vendimet e vetingut edhe për raste kur nuk bëhen pjesë e hetimit tonë për shkak të veprën penale.Ne kemi regjistruar procese penale për korrupsion pasiv për prokurorë e gjyqtarë. Kemi një numër të madh çështjesh penale sa i përket hetimit të tyre”, u shpreh Dumani.
