Deputeti i opozitës Bledjon Nallbati është kallëzuar penalisht ditën e sotme nga Partia Socialiste pasi goditi me grusht deputetin socialist Vullnet Sina.
Në kallëzim shkruhet se provohen qartë se 4 elementët përbërës të veprës penale “Goditjes për shkak të detyrës” janë plotësuar në mënyre kumulative, për këto arsye, ka të dhëna të mjaftueshme për të filluar ndjekjen penale ndaj Bledion Nallbati për shkak të konsumimit të veprës penale të “Goditjes për shkak të detyrës” parashikuar nga neni 237 i Kodit Penal.
Por çfarë parashikon neni 237 i Kodit Penal?
“Goditjet ose vepra të tjera dhune që i bëhen punonjësit që kryen një detyrë shtetërore apo një shërbim publik, për shkak të veprimtarisë së tij shtetërore apo të shërbimit, dënohen me gjobë ose me burgim gjer në tre vjet”
