Seanca e parë e këtij sesioni të ri parlamentar në Kuvend ka nisur me akuza dhe bllokim të foltores nga ish-kryeministri Sali Berisha. Ky i fundit ka akuzuar Edi Ramën për udhëtimet e tij me avion, ndërsa është ndalur dhe te përjashtimet e Alibeajt.
Pasi ka folur për tre minuta dhe koha zyrtare i ka përfunduar, Berisha nuk është larguar nga foltorja dhe ka kërkuar nga deputetja Albana Vokshi që ta lidhte në transmetim direkt në Facebook.
“Hajde Albana ma lidh pak këtë…”, ju drejtuar Berisha deputetes Albana Vokshi, ndërkohë që kryeparlamentarja Lindita Nikolla i kërkoi të largohej.
“Ju lutem, zoti Berisha lironi foltoren. Ja kush më ndërpret fjalën”, tha Nikolla, duke ndërprerë më pas seancën plenare.
