Avokati i kryebashkiakut Erion Veliaj, Maks Haxhia tha se prokurori Olsi Dado është i detyruar të japë dorëheqjen.
Avokati u shpreh se kur provat evidentojnë konfliktin e interesit pse duhet që prokurori Dado të merret me këtë çështje, ndërsa theksoi se mbetet në pritje të një përgjigjeje për kërkesën e tyre.
“Në lidhje me qëndrimin që ka mbajtur Veliaj me akuzën dhe përfaqësuesin e akuzës, Ols Dado sa i përket konfliktit të interesit: Në bazë të kodit të procedurës çdo prokuror apo gjyqtar që e ka të konstatuar konfliktin e interesit është i detyruar të japë dorëheqjen. Do ishte shumë profesionale që prokurori ta bënte diçka të tillë. Nuk kuptoj përse duhet me patjetër të jetë ky prokuror në ketë çështje? Nëse janë të sigurt për provat që kanë, përse kërkon prokurori të rri me çdokush në çështje, kur evidentohet një konflikt interesi? Ne kemi vënë në dijeni autoritetet përkatëse për ta zëvendësuar”, tha Maks Haxhia.
