Pedagogu dhe autori Ermal Hasimja, ka reaguar pas përmendjes së emrit të tij si kandidat i opozitës për Bashkinë e Tiranës.
Në fakt, ka qenë Partia Mundësia e Agron Shehaj, e cila në një diskutim mes aleatëve opozitarë, ka propozuar emrin e pedagogut.
Ermal Hasimja thotë se ndihet i vlerësuar për propozimin, por thotë se deri tani nuk ka marrë një vendim zyrtar dhe kur kjo të ndodh, ai thekson se do të mendohet dhe patjetër do të vendosë nëse do të pranojë të jetë kandidat për Ogerta Manastirliut apo jo.
“Ndihem padyshim i vlerësuar që emri im është propozuar në listën e kandidatëve potencialë të opozitës për Tiranën dhe falenderoj ata që e kanë propozuar apo mbështetur idenë. Kur të marr (nëse marr) një propozim zyrtar do të mund të mendohem dhe të marr një vendim. Më vjen mirë gjithashtu që dy emrat e tjerë në listë, Florian Hackaj dhe Edlira Cepani janë njerëz qe i vlerësoj maksimalisht dhe që do te ishin kandidatë të shkëlqyer për opozitën“, shkruan Ermal Hasimja.
