Meteorologia Tanja Porja ka zbuluar sesi do të jënë kushtet e motit për ditët në vijim.
Porja tha se sot kemi një rënie të ndieshme të temperaturave në të gjithë territorin shqiptar.
Ajo tha gjithashtu se në jug-lindje të vendit priten reshje lokale dëbore, me intensitet të ulët.
“Një mëngjes mjaft i ftohtë. Në Tiranë rreth 2 gradë shënon minimumi. Ndërsa në orët e mesditës do të kemi po ashtu një rënie të vlerave termike. Ka shënuar 2 gradë më pak termometri minimal sot në rang territori. Po ashtu edhe mesdita me 2-3 gradë më pak. Do të kemi temperatura nga -5 deri në 13 gradë celcius, megjithëse do të mbizotërojnë kthjellimet në të gjithë territorin shqiptar. Vetëm në pjesën e dytë të ditës do të kemi zhvillim të vranësirave të karakterit lokal, kryesisht në jug-lindje, ku do të ketë momente të shkurtra me flokë dëbore. Nuk bëhet fjalë për reshje shiu”, tha meteorologia Tanja Porja.
