Seanca maratonë e një ditë me parë, përveç debatesh dhe replikash për buxhetin e shtetit ka sjellë edhe një risi parlamentare. Kryetarja e Kuvendit, Lindita Nikolla ka thyer një rekord parlamentar, duke drejtuar seancën parlamentare për 13 orë rresht.
Seancën më të rëndësishme të sesionit, e cila shqyrtoi projektligjet e paketës fiskale dhe të buxhetit të shtetit për vitin 2023, e drejtoi e vetme, në mungesë të nënkryetarëve, të cilët ndodhen në vizita jashtë vendit.
Nikolla drejtoi një seanca të vështirë dhe konfliktuale, pasi pati përplasje mes mazhorancës dhe opozitës. Kryeministri Edi Rama gjatë fjalës së tij në Kuvend tha se buxheti 2023 do të ndihmojë financiarisht çdo shtresë vunerabël.
