Në ditën Botërore të Diabetit, në sheshin Skënderbej në Tiranë është ngritur një stendë ku ofrohen analiza FALAS nga shteti.
Gjithashtu zv/ministrja e Shëndetësisë, Mira Rakacolli tha se prej janarit të këtij viti, fishat e diabetit ofrohen falas për personat mbi 65 vjeç.
“Në buxhetin e këtij viti janë parashikuar se si do të shtohen në mënyrë progresive 65 vjeçarët që i përfitojnë këto fisha. Vetëm këtë vit, janë shtuar 4500 persona, që do të kenë mundësi të përfitojnë nga ky program”, tha Rakacolli.
Deri më sot shteti rimburson fishat e diabetit për të gjithë ata pacientë të cilët vuajnë nga sëmundja diabetike, nga mosha 0-25 vjeç si dhe për të moshuarit mbi 65 vjeç. Gjithashtu qeveria shton mbulimin me fishat e diabetit FALAS për “invalidët e punës” dhe “personat me aftësi të kufizuar”.
