Ilir Meta nga qelia e burgut ka filluar të bëjë “llogaritë”, ku sipas tij, opozita do të fitojë bindshëm në zgjedhjet e “11 Majit”.
Në një intervistë për Syri TV, Meta është shprehur se koalicioni opozitar do të fitojë 20 mandate në Tiranë, ndërsa ka parashikuar surpriza të mëdha në qarqe të tjera. Sipas Metës, Berati do të përjetojë një përmbysje historike, ndërsa Durrësi, Elbasani dhe Lezha do të jenë epiqendra të fitores opozitare.
“Koalicioni ynë i ka të gjitha potencialet për të fituar 20 mandate në qarkun e Tiranës dhe në këtë mënyrë për të futur nga listat e hapura 8 deputetë. Përveç Tiranës, mund të them me bindje të plotë se përmbysjen më të madhe nga ana cilësore e sasiore do e bëjë Berati. Pra nga 5-2, ky qark do të shkojë 4-3 për opozitën. Ndaj Skrapari do votojë Lefter Maliqin dhe bashkë me Lefterin do e lidhim brenda një viti Skraparin me Përmetin. Jam i bindur se Durrësi dhe Elbasani do bëjnë një ndryshim të madh, ndërsa Lezha do shënojë një diferencë të thellë 5-2 për opozitën”, tha Meta.
REALITETI – Nga mëngjesi në darkë, dyshja Meta-Berisha thonë se më “11 maj” opozita do ta përmbysë qeverinë, por realiteti është krejt i kundërt pasi Edi Rama sipas të gjitha sondazheve po shkon i sigurt drejt fitores së mandatit të katërt.
