Ilir Meta tregoi se ka preferuar të qëndrojë tek “paraburgimi 313” dhe jo në një burg ku ndoshta kushtet mund të ishin më të mira, për të qenë pranë familjes dhe miqve.
I pyetur nëse i mungon aktiviteti fizik të cilin e ka pasur të pandarë në liri, Meta u përgjigj se me vullnetin që ka mund të shpikë palestrën edhe brenda hapësirës së vogël të qelisë.
“Dua të jem pranë prindërve, motrës dhe fëmijëve. Nuk dua të “lodh” shumë edhe avokatin meqenëse edhe ju e kërkoni nëpër studio. Por dua të jem edhe sa më pranë drejtuesve të Partisë së Lirisë. Për sa i takon palestrës e kam thënë edhe më parë se një njeri që s’ka vullnet edhe po të flejë në palestrën më të mirë mund të mos bëjë asgjë. Ndërsa ai që ka vullnet e shpik “palestrën” edhe në 15m2…Dita ime është e mbushur kryesisht me lexime, shënime, kujtime dhe me letra që u shkruaj kolegëve, miqve e të afërmve dhe po kështu duke lexuar letrat e tyre. Ndërkohë bëj ushtrime të ndryshme stretching, etj”, tha Meta.
