Monika Kryemadhi ka zgjedhur që të urojë ish bashkëshortin e saj, Ilir Metën i cili sot mbush 56 vjeç, por në këtë përvjetor Presidenit i PL-së ndodhet në qelinë e paraburgimit “313”.
Kryemadhi thotë se kjo ditëlindje është e veçantë, ndërsa paralajmëron se “dhuratën” më të bukur Ilir Meta do ta marrë më “11 maj”.
“I uroj ditëlindjen Ilir Metës sot në 56 vjetorin e tij. Sot kjo ditëlindje është ndryshe nga çdo ditëlindje tjetër por ka një veçori komplet tjetër në këndvështrimin tim. Dhuratat mund të jenë të ndryshme për ditën e ditëlindjes por unë sot të uroj që dhuratën më të bukur këtë vit ta marrësh me 11 maj ku më shumë se kurrë çdo mik apo ish mik i yti , dashamirës besoj kanë mundësinë që të bëjnë veprimin më të thjeshtë duke të votuar ty”, shkruan ndër të tjera Kryemadhi.
Më herët në media është përfolur se në rast se Ilir Meta zgjidhet deputet më “11 maj”, atëherë ligji e lejon që ai fillimisht të dalë nga qelia e burgut dhe më pas Kuvendi duhet të japë “dritën jeshile” për heqjen e imunitetit. Por gjithçka është e paqartë për mënyrën si do të veprohet me rastin “Meta” nëse ai zgjidhet deputet.
