Apeli i GJKKO-së la në fuqi masat e sigurisë “arrest me burg” për Ilir Metën dhe “detyrim paraqitje” për Monika Kryemadhin.
Avokati Genc Gjokutaj thotë se nuk i kanë humbur shpresat ndaj sistemit të drejtësisë në vend teksa shton se ditën në vijim “dosjen Meta” do ta dërgojnë në Gjykatën e Lartë.
Gjokutaj e cilësoi arrestimin të qëllimtë, teksa paralajmëroi se këtë çështje do e dërgonte deri në Gjykatat Ndërkombëtare.
Genc Gjokutaj: “Nuk i kemi humbur shpresat, këta gjyqtarët do të fillojnë të dëgjojnë, nuk mund të ecet në këtë formë, e gjithë opozita në burg. Patjetër që do i drejtohemi Gjykatës së Lartë me rekurs. Kjo është rruga që duhet të ndjekim, nëse do të jetë nevoja do të shkojmë deri në Gjykatën Ndërkombëtare“
