Të rinjtë e Beratit zhvilluan sot një bashkëbisedim me Edi Ramën mbi arsimin, artin, teknologjinë dhe perspektivën e punësimit. Gjimnazisti Klajdi Pirja i ka thënë Edi Ramës se ai është idhulli i tij teksa ka shtuar se arsyeja që ai sot është i suksesshëm është ngaqë “Rama e ka mbajtur në krahë kur ka qenë i vogël”.
Menjëherë nuk kishte se si të mungonte përgjigja e kryeministrit Edi Rama i cili me nota humori tha se nuk e ka atë fuqi magjike.
Përgjigjet Edi Rama: “Për t’iu përgjigjur djalit që e kam mbajtur në krahë kur ka qenë i vogël: Nuk ma ha mendja se nëse të ka ecur, të ka ecur se të kam mbajtur unë në krahë. Po të kisha këtë fuqi magjike, kushedi se çfarë do të kishte ndodhur, megjithatë faleminderit që të shkon mendja se mund të jetë dhe kështu, por unë nuk e besoj. Ajo që the për laboratorët është shumë e rëndësishme dhe prandaj ne po bëjmë një investim komplet të ri për laboratorët. Një investim që ka filluar dhe hap pas hapi do të fillojmë me pajisjen komplet ndryshe të laboratorëve”.
