Jo vetëm bonuse, por qeveria Rama ka në plan të ardhshëm që të bëjë një rritje të konsiderueshme për të gjjthë pensionet.
Gjatë prezantimit të “buxhetit 2025”, deputeti i Partisë Socialiste, Damian Gjiknuri propozoi shkurtimin e disa investimeve publike për të bërë të mundur financimin e rritjes së pensioneve.
“Shteti është si një familje madhe dhe ashtu si në një familje kur mund të kesh në ngarkim edhe shumë anëtarë që nuk janë në gjendje të punojnë, çdo kryefamiljar i përgjegjshëm heq diçka nga vetja, shkurton ndonjë investim apo dhe merr diku borxh për të plotësuar nevojat. Duke thënë këtë, mendoj që në të ardhmen të shikohet kjo hapësire fiskale e kombinuar dhe heqjen e ndonjë investimi që nuk është aq prioritar me qellim adresimin e rritjes reale të pensioneve. Mendoj që si parti e majtë e kemi këtë detyrim njerëzor ndaj brezave para-ardhës të cilët me punën e tyre kanë kredituar dhe një pjesë të asaj çka gëzojmë ne sot. Një injektim i tillë buxhetor nuk duhet të na shqetësojë pasi është kontribut direkt në konsum dhe ekonomi”, tha Gjiknuri.
