Duke filluar në orët e vona të ditës së mërkurë edhe në vijim ditën e enjte dhe dita e premte do të sjellë një ulje të ndjeshme të temperaturave.
Meteorologu Hakil Osmani parashikon që duke filluar nga e mërkura deri ditën e premte do të rikthehen reshjet e shiut në të gjithë territorin.
“Përsa i përket temperaturave të ajrit të paktën deri ditën e mërkurë pritet të kemi rritje graduale të tyre. Maksimumet ditën e hene regjistrohen shumë pranë vlerave 24 gradë Celsius, por do të vijojë rritja e vlerave të temperaturave duke bërë që maksimumet në rrang territori deri ditën e mërkurë të jenë shumë pranë vlerave 30 gradë Celsius në vijën bregdetare në qytetet e zonës së ulët duke përfshirë këtu edhe kryeqytetitn pritet të luhatet nga 27-29 gradë Celsius.
Kemi ndryshim të kushteve të motit duke filluar në orët e vona të ditës së mërkurë edhe në vijim ditën e enjte dhe dita e premte do të sjellë një ulje të ndjeshme të temperaturave të ajrit, më e ndjeshme ditën e premte duke bërë që maksimumet në rang territori të jenë jo më shumë se vlera 23 gradë Celsius. Me rënien e temperaturave të ajrit do të kemi ardhjen e një sistemi ku do të kemi prezente reshjet e shiut herë pas here edhe në formën e rebesheve. Më të dukshme këto reshje pritet të jenë në pjesën e dytë të ditës së enjte dhe në orët e para të ditës së premte”, shprehet Hakil Osmani.
