Kandidatja e primareve të Partisë Demokratike, Adriana Kalaja premton shembjen e një sërë kullave dhe ndërtesave të tjera në Tiranë. Kalaja tha se objekti i parë që do të shembë, nëse bëhet kryetare e Bashkisë së Tiranës, është shtëpia e kryeministrit Edi Rama në Surrel.
Sipas saj, shtëpia e kryeministrit Rama është ndërtuar mbi një pronë të grabitur.
“Kjo është një deklaratë që mund të duket pak e fortë. Përmban simbolikën që do të pastrosh mafian e betonit me tritol. Do të filllojmë me sarajet e kryeministrit Rama në Surrel. Prona mbi të cilën është ndërtuar shtepia e Ramës është pronë e grabitur. Është gjetur një banor i zonës, që ka pretenduar se i ka humbur çertifikata. Kur përmend fjalën tritol njerëzit thonë cfarë është kjo, do të bëhet luftë? Unë kam prova që kjo pronë është grabitur”, tha Kalaja në emisionin “Të Paekspozuarit”.
