Disa militantë të PD kanë pretenduar se nuk janë lejuar të votojnë në zgjedhjet për kryetarin e Bashkisë në Himarë. Kjo, pasi ata janë shfaqur përpara kutive të votimit me mjet identifikimi të skaduar, duke pretenduar se koha nga shpallja e datës së zgjedhjeve e deri tani nuk është e mjaftueshme për rinovimin e kartës.
Por Ish-ministri i Brendshëm, Taulant Balla prej datës 22 korrik e kishte paralajmëruar këtë situatë prandaj i ka bërë thirrje banorëve të Himarës të aplikojnë për pajisjen me kartat e reja të identitetit.
Madje Balla ka urdhëruar zyrat “IdentiTek” që të mbahen të hapura edhe në ditët e pushimit, të shtunë e të dielë dhe po ashtu koha e prodhimit të kartës së re të realizohej brenda 48 orësh.
Edhe nëse aplikoje të enjten më 1 Gusht, sipas njoftimit dhe apelit të ish-ministrit të Brendshëm, mund ta merrje kartën e re të shtunën, më 3 Gusht. Ky reagim i 22 korrikut të Taulant Ballës nxjerr “bllof” opozitën e cila kërkon të justifikojë humbjen në Bashkinë e Himarës.
