Kastriot Islami foli për disa ambiciet e kryeministrit Edi Rama për të fituar një mandat të katërt. Për Islamin, opozita u përça pas shpalljes ‘non grata’ të Sali Berishës por edhe përpjekjeve të mëdha të Edi Ramës për të realizuar një gjë të tillë.
“Edhe në Amerikë ka rregulla që nuk mund të rrish më shumë se dy mandate në pushtet. Edi Rama mburret që do të rrijë 4 apo 5 mandate aq më tepër që futet me mish e me shpirt për të përçarë opozitën. Opozita nuk ishte e përçarë para shpalljes “non grata” të Sali Berishës. Ajo u përca kur ndodhi kjo.
Është hera e parë që Rama merr mbështetje dhe për mandatin e katërt. Kjo më çudit. Kjo më lë të kuptoj që ka diçka. Mendoj që Rama mbeshtetet nga një grupim i caktuar në perëndim”, përfundoi Islami për A2 CNN.
