Linda Rama, bashkëshortja e kryeministrit Edi Rama, u pyet mes të tjerash nëse kishte menduar ndonjëherë të bëhej pjesë e politikës aktive.
Linda Rama tha se pas eksperiencës në administratën shtetërore pas viteve ’90, si pjesë e Agjencinë Kombëtare të Privatizimit, ajo zgjodhi të vazhdonte karrierën në fushën e kërkimit dhe këshillimit të pavarur, në bashkëpunim me organizata ndërkombëtare.
Bashkëshortja e kryeministrit deklaroi se kontributin e saj e ka parë më të dobishëm jashtë politikës, përmes shoqërisë civile dhe angazhimeve akademike.
Ke menduar ti futesh politikës? “Kam kuptuar shumë herët që për të hyrë në politikë duhet të jesh fituese”, u shpreh Linda.
Ajo vlerësoi përpjekjet e shumë profesionistëve brenda administratës publike, duke theksuar se jo të gjithë kanë marrë mundësinë për t’u përfaqësuar politikisht, pavarësisht aftësive të larta.
