Ish-drejtori i Autoritetit Rrugor Shqiptar, Gentian Gjyli nuk do të jetë më në masën e sigurisë “Arrest në shtëpi”, pasi Gjykata e Posaçme ka vendosur këtë të premte që ndaj tij të zbatohen dy masa të tjera; “Detyrim paraqitje” dhe “Ndalim i daljes jashtë vendit”.
Ai akuzohet për kryerjen e veprës penale “Shkelje e barazisë së pjesëmarrësve në tendera apo ankande publike”, kryer në bashkëpunim, në lidhje me faktin penal që i përket procedurës së prokurimit me objekt “Ndërtimi i tunelit të Llogarasë”.
Rreth një muaj më parë, Gentian Gjylit i është komunikuar zgjatja me tre muaj e hetimeve për dosjen e tunelit të Llogarasë dhe Lotit 4 të Unazës së Madhe të Tiranës. Afati i ri i hetimeve përfundon më 10 tetor.
SPAK, në pretencën e dhënë, ka kërkuar 1.6 vite burg për shkelje të barazisë në tendera (2 episode), si dhe heqjen e të drejtës për të ushtruar funksione publike për një periudhë 5-vjeçare.
Gjithashtu, i pandehur në këtë dosje është edhe Erald Elezi, ish-kreu i Korporatës Elektroenergjetike Shqiptare. Gjykata e Posaçme, me kërkesë të SPAK, ka caktuar ndaj tij masën e sigurimit personal me karakter shtrëngues, “Arrest në shtëpi”.
